මේ වෙනකොට ගොඩක් දෙනෙක්ට තියෙන ගැටළුවක් තමයි තමන්ගේ ශරීරයේ බර වැඩි බව, නැත්නම් අධික තරබාරු බව .

වර්තමානයේ අපි හුරුවෙලා තියෙන වැරදි ආහාර හා සෞඛ්‍ය පුරුදු නිසා ස්ථුලතාව කියන දේ විශාල සෞඛ්‍ය ගැටළුවක් වෙලා තියෙනවා.

මොකද මේ ස්ථුලතාව එක්කම ගොඩක් බෝ නොවන රෝග සම්බන්ධ වෙන නිසා.

අපි මේ වීඩියෝ එකෙන් අරන් එන්නේ ශරීරයේ බර අඩු කර ගන්න එහෙමත් නැත්නම් මහත් අඩු කර ගන්න ආයුර්වේදයට අනුව කරන්න පුළුවන් දේවල් ගැන.

බටහිර වෛද්‍ය විද්‍යාව අනුව BMI එක භාවිතා කරලා අපිට අපේ ශරීරයේ ස්ථුලතාව ගැන අදහසක් ගන්න පුළුවන්. BMI එක හොයන විදිහ අපි description එකේ සඳහන් කරලා තියෙනවා.

ශරීර බර අඩු කර ගැන්ම සම්බන්ධ තව වීඩියෝ ගෙන එන්න කලින් ඔයාලට ආරම්භයක් විදිහට කරන්න ඕනි දේවල්, හුරුවෙන්න ඕනි දේවල් තමා මේ වීඩියෝ එකෙන් කතා අද කතා කරන්නේ,

ආයුර්වේද වෛද්‍ය විද්‍යාවේ මෙන්ම බටහිර වෛද්‍ය විද්‍යාවේ සඳහන් කරුණු සලකා බැලුවම අපි උදැසන 5-6 අතර කාලය තුළ අවධි වීම ඉතා සුදුසු වෙනවා.

මේ වෙනකොට හොයාගෙන තියෙනවා රාත්‍රී නිදි වර්ජිතව ගත කිරීම හා ශරීරයේ බර වැඩි වීම අතර සම්බන්ධයක් තිබෙන බවට.

ඉතින් වේලාසන නින්දට යෑමත් උදැසන අවදි වීමත් අපේ ශරීරයේ බර අඩු කර ගන්න අවශ්‍ය වෙනවා නම් අපි මුලින්ම හුරු කර ගන්න ඕනි වෙනවා.

ඉන් පස්සේ උදේ නැගිටලා මද රස්නහා සහිත වතුර වීදුරුවක් පානය කිරීම සිදු කිරීම සුදුසුයි. මේ වතුර වීදුරුවට ලෙමන් යුෂ ස්වල්පයකුත් එකතු කර ගන්න පුළුවන් නම් හොඳයි.

ඊට පස්සේ විනාඩි 20 විතර කාලයක්වත් යෝගා අභ්‍යාස කිරීමට පුහුණු වීම සුදුසු වෙනවා. ඉතින් ආරම්භයක් ලෙස අපිට සුර්ය නමස්කාරය පුහුණු කරන්න පුළුවන්.

ඊට පස්සේ ටිකෙන් ටික විවිධ විශේෂිත වූ ආසන දක්වා මේ යෝග අභ්‍යාස වැඩි දියුණු කරන්න පුළුවන්.

ආයුර්වේද වෛද්‍ය විද්‍යාවේ සඳහන් වෙනවා වගේම මේ වෙද්දී බටහිර වෛද්‍ය විද්‍යාවත් විවිධ පරීක්ෂණ වලින් සොයාගෙන තියෙනවා මේ යෝග අභ්‍යාස වලට ශරීරිය වගේම මනසත් සැහැල්ලු කරන්න පුළුවන් කියන එක.

ඉතින් මේවා පුහුණු කරන විදිහ තියෙන වීඩියෝ ඕනෑ තරම් සොයා ගන්න පුළුවන්.

මුලින්ම කරද්දී මහන්සි වෙන පළමු අවස්ථාවේම අභ්‍යාසය නතර කරන්න මතක තියා ගන්න. ඒ වගේම ඔයාට වෙනත් ලෙඩ තියෙනවා නම් ඖෂධ භාවිතා කරනවා නම් ආයුර්වේද වෛද්‍යවරයෙක් දැනුවත් කිරීම සුදුසු වෙනවා.

ශරීර බර අඩු කර ගන්න ඉන්න ඔයාලා ඊළඟට අවධානය දෙන්න ඕනි ඔයාලගේ ප්‍රධාන ආහාර වේල් 3 සම්බන්ධව. විශාල ප්‍රමාණයක් ආහාරයට ගන්න ඕනි දිවා ආහාරයට විතරමයි.

රාත්‍රී අහාර වේල අනිවාර්යෙන් ඉතා සැහැල්ලු වෙන්න ඕනි. මේ සියලු ආහාර තෙල් සහ අධික පනිරසෙන් තොර ස්වභාවික දේවල් වලින් සමන්විත වෙන්න ඕනි.

ඇත්තටම බර අඩු කර ගන්න ඕනි නම් ප්‍රධාන වේල් තුනට අමතරව කිසිදු ආහාරයක් නොගෙන ඉන්න මතක තියා ගන්න ඕනි.

ඒ කියන්නේ අපි උදේ 10-11 අතර තේ එක්ක බිස්කට් හෝ වෙන මොනවා හරි කනවා නම් හවසට තව දෙයක් ආහාරයට ගන්නවා නම් ඒ හැමදේම නවත්වන්න ඕනි.

අතුරුපස ගන්නවා නම් පලතුරුම විතරක් ආහාරයට ගන්න. රාත්‍රී 7 විතර වෙද්දී රාත්‍රී ආහාරය ගන්න මතක තියා ගන්න.

7 න් පස්සේ කිසිම කෑමක් ගන්න එපා ඔයාට ඔයාගේ බර අඩු කර ගන්න ඕනි නම්.

යෝග අභ්‍යාස වලට අමතරව සතියට අවම දවස් තුනක්වත් ව්‍යායාම කරන්න හුරුවෙන්න. ආයුර්වේදයේ දක්වලා තියෙන විදිහට උදැසන 6-10 අතර ව්‍යායාම කරන්න සුදුසුම කාලය වෙනවා.

ඉතින් මේ ව්‍යායාම සිද්ද කරනකොටත් අපි යෝගා අභ්‍යාස වල දී කියුව දේවල් සැලකිල්ලට අරන් කරන්න කියලා මතක් කරනවා.

මේ වගේම බර අඩු කර ගන්න අවශ්‍ය නම් අපි දවස ගත කරණ විදිහ අලුතෙන් පුරුදු කර ගන්න වෙනවා.

සාමාන්‍යයෙන් රාත්‍රී 10 වෙනකොට නින්දට යන්නත් උදැසන 5-6 අතර අවදි වෙන්නත් පුරුදු කර ගත යුතු වෙනවා.

ඒ වගේම තමා අපි ප්‍රධාන ආහාර වේල් තුන ගන්න නිශ්චිත වෙලාවක් වෙන් කර ගෙන හැමදාම ඒ වෙලාවට ආහාර ගැනීමට පුරුද්දක් ඇති කර ගැනීම අවශ්‍ය වෙනවා.

කිසිම අවස්ථාවක උදැසන කෑම වේල මඟ හරින්න එපා.

ඉතින් මේ දේවල් එක්කම ඔයාලට පුළුවන් ආයුර්වේද වෛද්‍යවරයෙක් මුණගැහිලා ඔයාලගේ ශරීර ස්වභාවය අනුව අවශ්‍ය නම් අතිරේක ස්වභාවික ඖෂධ ලබා ගන්නත්,

ඉතින් ශරීර බර අඩු කරන්න පුළුවන් තවත් ක්‍රම අපි ඉදිරියේ දී ගෙන එන්න බලාපොරොත්තු වෙනවා.

ඉතින් ඔයාටත් ඇත්තටම බර අඩු කර ගන්න ඕනි නම් මේ දේවල් අමාරුවෙන් වුනත් හුරු කර ගන්න උත්සහ කරන්න.